Á eigin skinni

Sölvi Tryggvason kemur á Bókasafn Hafnarfjarðar

30.1.2019

Sölvi Tryggvason fjölmiðlamaður mun halda erindi um betri heilsu SOLVI-COVER_FINAL-500x765og innihaldsríkara líf mánudaginn 4. febrúar kl. 17:00 á Bókasafni Hafnarfjarðar. Erindið byggir hann á bók sinni Á eigin skinni sem fjallar um leið Sölva til heilsu á ný, þær fjölbreytilegu tilraunir sem hann gerði á eigin skinni og niðurstöður sem hann komst að.

Fyrir áratug hrundi heilsa fjölmiðlamannsins Sölva Tryggvasonar bæði líkamlega og andlega. Eftir þrautagöngu milli lækna og annarra sérfræðinga, endalausar rannsóknir og lyfjameðferðir án þess að hann fengi bót meina sinna ákvað hann að taka málin í eigin hendur.
Síðan hefur Sölvi fetað allar mögulegar slóðir í leit að betri heilsu og auknum lífsgæðum. Á þeirri vegferð hefur hann gert nær endalausar tilraunir á sjálfum sér viðvíkjandi mataræði og hreyfingu, föstur, bætiefni, kuldaböð, hugleiðslu, öndunaræfingar, tengingu við náttúru og ótal margt annað sem snýr að heilsu.

Erindi Sölva er hluti af samstarfssamningi Bókasafn Kópavogs, Bókasafns Garðabæjar og Bókasafns Hafnarfjarðar, og mun erindið einnig fara fram á Bókasafni Garðabæjar þriðjudaginn 5. febrúar kl. 17:30 og á Bókasafni Kópavogs þriðjudaginn 12. febrúar, kl. 17:00.
Aðgangur á öll þrjú erindi er ókeypis og allir velkomnir!


Bókasafn Hafnarfjarðar | Strandgötu 1, 220 Hafnarfirði
Sími 585-5690 | Netfang bokasafn@hafnarfjordur.is