Bókasafn Hafnarfjarðar kynnir fasta viðburði vetrarins

2.9.2020

Bh-vidburdir-haust-2020Fastir liðir vetrarstarfsins hefjast aftur um miðjan september, með klúbbum, fræðsluinnslögum og sögustundum, ásamt námskeiðum og fyrirlestrum

Nú er veturinn á næsta leiti, skólarnir byrjaðir aftur og tími til kominn til að kíkja á bókasafnið. Þétt og skemmtileg dagskrá fastra liða að vetri er að sjálfsögðu að fara í gang og hvetjum við alla bæjarbúa til að nýta sér þá þjónustu og viðburði sem safnið hefur upp á á bjóða. 

  • Annan hvern mánudag er foreldramorgunn fyrir nýbakaða foreldra og yngstu krílin, þar sem boðið er upp á fræðsluerindi. 
  • Annan hvern þriðjudag er sögustund í barnadeildinni, og annan hvern fimmtudag er sögustund á pólsku
  • Handavinnuhópurinn verður auðvitað á sínum stað annan hvorn miðvikudag, og svo verður boðið upp á heimanámsaðstoð frá Rauða krossinum vikulega.
  • Til að hlúa að líkama jafnt sem hug eru stólajóga í hádeginu hvern miðvikudag, létt og hentugt til að koma við í matartímanum og teygja úr sér slenið. 
  • Mánaðarlegar sýningar á tónlistarmyndum í Friðriksdeild munu einnig fara í loftið í lok mánaðarins. 
Við hlökkum til að sjá ykkur á safninu!


Bókasafn Hafnarfjarðar | Strandgötu 1, 220 Hafnarfirði
Sími 585-5690 | Netfang bokasafn@hafnarfjordur.is