Bókasafnið LOKAR kl. 14:00 vegna veðurs

10.12.2019

2019_lokad_vegna_vedurs_10.12.2019Bókasafn Hafnarfjarðar LOKAR kl. 14:00 í dag vegna veðurs.
Skilalúgan verður einnig lokuð vegna sama veðurs. ❄️

Búið er að flytja skiladag þeirra gagna sem átti að skila í dag,10. desember, yfir á miðvikudaginn 11. desember.

Við stefnum á að opna á ný kl. 10 á morgun ef veður leyfir.

- - -

Nánari upplýsinar skv. Heimasíðu Hafnarfjarðarbæjar :

Skólar og stofnanir Hafnarfjarðarbæjar lokaðar frá kl. 14.
Appelsínugul viðvörun Veðurstofu sem gefin var út í gær gildir enn frá kl. 15 í dag. Gul viðvörun er í gildi frá kl. 13 – 15 þegar sú appelsínugula tekur við. Engin röskun er á skólastarfi í morgunsárið en foreldrar eru beðnir um að sækja börn sín í leik- og grunnskóla eða annað tómstundastarf fyrir kl. 14 í dag. Ef íbúar hafa ekki þegar fjarlægt eða bundið niður lausamuni eru þeir hvattir til þess að gera það hið fyrsta. Gert er ráð fyrir að allt það starf sem á sér stað eftir klukkan 14 í dag falli niður. Nær þetta til sundlauga Hafnarfjarðar, frístundaheimila, hæfingarstöðvar, ungmennahúss, Byggðasafns, Bókasafns Hafnarfjarðar og Hafnarborgar. Frístundabíll mun ekki ganga í dag. Samgöngutruflanir eru líklegar á meðan veðrið gengur yfir og truflanir á flugsamgöngum. Hætt er við foktjóni og eru byggingaraðilar hvattir til að ganga vel frá framkvæmdasvæðum. Búast má við hækkandi sjávarstöðu vegna áhlaðanda og líkur á að smábátar geta laskast eða losnað frá bryggju. Fólki er bent á að ganga vel frá lausum munum og sýna varkárni.

Hægt er að fylgjast með nýjustu upplýsingum á: https://www.vedur.is/vidvaranir

Lokanir skóla og stofnana eru tilkomnar vegna öryggisráðstafana en enginn ætti að vera á ferli í veðri eins og spáð er. Fólk er beðið um að fylgjast vel með veðri í fjölmiðlum og fylgja tilmælum yfirvalda.“


Bókasafn Hafnarfjarðar | Strandgötu 1, 220 Hafnarfirði
Sími 585-5690 | Netfang bokasafn@hafnarfjordur.is