Bókasafnið

Bókasafn Hafnarfjarðar er staðsett á Strandgötu 1. Safnið er á þremur hæðum, auk tveggja palla og kjallara. 

  • 1. hæð: afgreiðsla, setustofa, nýjar bækur, dvd-myndir, dagblöð og tímarit
  • Tónlistardeild: stærsta tónlistarsafn í almenningsbókasafni á landinu
  • Barna- og unglingadeild: á millipalli upp frá fyrstu hæð
  • 2. hæð: útlánadeild (langstærsti hluti bókakosts safnsins), upplýsingaþjónusta, netkaffi, uppflettitölvur
  • 3. hæð: deild erlendra tungumála (bækur á Norðurlandamálunum, ensku, rómönskum málum, litháísku og pólsku), þýska bókasafnið, lesstofa, uppflettitölva
  • Kjallari: fjölnotasalur og bókageymslur

Aðgengi fatlaðra 

Gott aðgengi er að bókasafninu fyrir fólk í hjólastólum. 
Lyfta er miðsvæðis í húsinu, auk þess sem nóg pláss er milli hillustæða. Starfsfólk er til þjónustu reiðubúið að aðstoða þá sem eiga erfitt með að ná upp í efri hillur. Rúmgott salerni fyrir fatlaða er á jarðhæð.

Útlánareglur

  • Hver lánþegi fær skírteini þegar hann gengur í safnið og framvísa verður því í hvert skipti til að fá bækur eða önnur gögn að láni. Skírteinið gildir einungis fyrir eiganda þess.
  • Börn og unglingar innan 18 ára fá ókeypis skírteini gegn ábyrgð forráðamanns. Óheimilt er að lána fullorðnum gögn út á barnaskírteini. Eldri borgarar og öryrkjar fá einnig ókeypis skírteini en aðrir greiða árgjald.
  • Hver lánþegi ber ábyrgð á öllum þeim gögnum sem tekin eru að láni út á skírteini hans. Glatist safngagn eða skemmist í vörslu lánþega ber honum að skýra frá því og greiða bætur samkvæmt gjaldskrá.
  • Lánstími gagna er mismunandi eftir tegund gagns. Við hvetjum viðskiptavini bókasafnsins til þess að fylgjast vel með skiladegi sinna gagna því ef ekki er skilað á réttum tíma greiðast dagsektir.
  • Skilvísi og góð meðferð á safngögnum er grundvöllur góðs bókasafns.

Ársskýrslur og starfsáætlanir

Bókasafn Hafnarfjarðar | Strandgötu 1, 220 Hafnarfirði
Sími 585-5690 | Netfang bokasafn@hafnarfjordur.is