Rafbókasafnið

Rafbókasafnið 

• Byggir á OverDrive rafbókaveitunni.
• Þú þarft gilt bókasafnskort og lykilorð hjá Bókasafni Hafnarfjarðar (sama lykilorð og á Leitir.is).
• Þú skráir þig inn á Rafbókasafnið með númerinu á bókasafnskortinu þínu (GE-númer) og lykilorði. Þú getur einnig skráð þig inn með Facebook eða sérstökum OverDrive aðgangi en til þess að fá lánað þarftu að gefa upp númerið á bókasafnskortinu og lykilorð í fyrsta skipti sem það er gert.
• Þú getur valið hvort þú færð bók að láni í 7, 14 eða 21 dag. 
  (21 dags útlánstími er sjálfgefinn).
• Þú getur haft 10 bækur að láni í einu og sett inn 15 frátektir í einu.
• Bók sem hefur verið tekin að láni skilast sjálfkrafa að lánstíma liðnum og því er engin hætta á dagsektum. Auðvitað er líka hægt að skila fyrr. 
  Sé bókum hlaðið niður í gegnum OverDrive appið þarf að skila þeim í gegnum það, en annars dugar að skila á síðu Rafbókasafnsins.
• Hægt er að endurnýja útlán á Rafbokasafn.is eða í öppunum (Libby / OverDrive) 3 dögum fyrir áætluð skil (sé ekki biðlisti eftir eintakinu).
• Hægt er að lesa rafbækur eða hlusta á hljóðbækur frá Rafbókasafninu í vafra í tölvum, spjaldtölvum og snjallsímum og því ekki nauðsynlegt að hlaða niður neinum forritum til þess. En þá þarf að vera nettengdur. 
• Viljir þú lesa eða hlusta án þess að vera nettengd(ur) þarftu að ná þér í Libby eða OverDrive appið eða Adobe Digital Editions forritið og hlaða bókinni niður. 

OverDrive appið

• OverDrive appið virkar ekki lengur fyrir iPhone og iPad.
  Appið virkar enn fyrir Android, Chromebook, Windows Phone, Windows 8 & 10, Kindle Fire HD og má nálgast t.d. í viðeigandi veitum svo sem Play Store (Android) og App Store (IOS). 
• Lesa má nánar um appið og sækja það á:  http://app.overdrive.com/ .

Libby appið

• OverDrive rafbókaveitan er búin að vera að þróa þetta nýja app sem mun taka við af OverDrive appinu.
• Libby appið er fáanlegt fyrir snjalltæki á Play Store (Android) og App Store (IOS). 
• Lesa má nánar um appið á íslensku hér - og sækja það á: https://meet.libbyapp.com/

Lesbretti

• Hægt er að lesa bækur Rafbókasafnsins á þeim lesbrettum sem notast við ePub-formið.
  Þetta eru flestar gerðir lesbretta aðrar en Kindle (frá Amazon). Ekki er hægt að lesa bækur Rafbókasafnsins í Kindle lesbrettum að Kindle Fire spjaldtölvunni undanskilinni. 
• Ef ætlunin er að lesa rafbók á lesbretti þarf að stofna Adobe ID aðgang og hlaða niður Adobe Digital Editions forritinu á tölvu.
• Bókinni er svo hlaðið niður í Adobe Digital Editions og færð þaðan yfir á lesbrettið. 

Hafa samband

• Ef þú hefur einhverjar spurningar eða ábendingar varðandi Rafbókasafnið, sendu þá póst á bokasafn@hafnarfjordur.is .