Bókasafn Hafnarfjarðar mun bjóða upp á jólabókahamingju líkt og fyrri ár; Kynstrin öll munu að sjálfsögðu verða á sínum stað, þann 17. og þann 25. nóvember, - beint frá Bókasafni Hafnarfjarðar. Frábærir gestir munu vitja okkar, lesa úr rjóma jólabókanna og sitja svo undir spurningum í umræðum leiddum af Arndísi Þórarinsdóttur, bókmenntafræðingi með meiru.

Vegna samkomutakmarkana verða viðburðirnir í streymi. 

Þann 17. nóvember kl. 20:00 koma til okkar þrír höfundar:

• Auður Ava Ólafsdóttir: Dýralíf
• Jón Kalman Stefánsson: Fjarvera þín er myrkur
• Ragnar Jónasson : Vetrarmein
• Smellið hér til að komast á streymið

Þann 25. nóvember kl. 20:00 koma til okkar þrír höfundar:

• Ásdís Halla Bragadóttir: Ein
• Benný Sif Ísleifsdóttir: Hansdætur
• Lilja Sigurðardóttir: Blóðrauður sjór
• Smellið hér til að komast á streymið

Þau munu lesa úr nýútkomnum bókum og taka létta kryddsíld á verk sín ásamt Arndísi Þórarinsdóttur, bókmenntafræðingi. 

Áhorfendur geta sent inn spurningar og kastað fram hugmyndum á miðlum í þessari gagnvirku útsendingu, sem er sú fyrsta sem Bókasafn Hafnarfjarðar stendur fyrir á opinberum vettvangi.

Útsendinguna má nálgast á Facebook, á heimasíðu Hafnarfjarðarbæjar og á gagn-birtum miðlum. Hlekkur á streymi mun birtast í þessum viðburði er nær dregur.

Gleðilega bókaaðventu!

...meira

Verið er að vinna að nýjum vef fyrir Bókasafn Hafnarfjarðar. 
Ef sem flestir gætu svarað eftirfarandi könnun þá myndu svörin og álit sem flestra nýtast gríðalega vel í undirbúningsvinnu fyrir hinn nýja vef. 

Könnun um vefinn bokasafnhafnarfjardar.is

...meira

Kæru gestir,

Í ljósi hertra sóttvarnaraðgerða verður Bókasafn Hafnarfjarðar lokað um óákveðinn tíma.

Gildistími bókasafnsskírteina framlengist sem nemur lokun Bókasafnsins og ekki verða lagðar sektir á safnkost á tímabilinu. Skiladagur allra gagna hefur verið framlengdur til 16. nóvember. 

Pantanir

Á meðan bókasafnið er lokað verður hægt að panta bækur og önnur safngögn.

Tekið verður við pöntunum á milli kl. 10:00 og 12:00 alla virka daga.

Hægt er að panta efni með því að: 

• senda tölvupóst á bokasafn@hafnarfjordur.is
• senda skilaboð á Messenger
• hringja í síma 664 5692

Við höfum samband þegar búið að tína til efnið og hægt verður að sækja pantanir milli klukkan 13:00 og 15.00 á virkum dögum. Vinsamlega hafið meðferðis bókasafnsskírteini eða skilríki.

Hægt er að skoða Leitir.is til að sjá hvað er til hjá Bókasafni Hafnarfjarðar: 

1. Fara inn á vefinn Leitir.is
2. Velja safn
3. Almenningssöfn
4. Smella á ör hjá "Allt efni í Gegni"
5. Velja Bókasafn Hafnarfjarðar úr listanum

Gætt verður að ítrustu sóttvarnarreglum.

...meira