Bóka- og bíóhátíð barnanna

10.3.2018

16. - 23. mars 2018 stendur Hafnarfjarðarbær fyrir Bóka- og bíóhátíð barnanna. 
Bókasafn Hafnarfjarðar tekur þátt í hátíðahöldunum að venju. 

• Mánudagur 19. mars kl. 17
  BÓKABINGÓ
  Við spilum bingó í fjölnotasal (kjallara) bókasafnsins. Aðgangur ókeypis og veglegir vinningar í boði fyrir heppna bingóspilara. 
• Fimmtudagur 22. mars kl. 17-18
  SPUNASÖGUSTUND
  Sögð verður spunasaga í samvinnu við áheyrendur sem hjálpa til við persónusköpun, atburðarás og myndskreytingu. 

Alla dagana meðan á hátíðinni stendur verður eftirfarandi í boði:

• Útlánaleikur
  Allir sem taka barna- og unglingabækur að láni fá afhenta þátttökuseðla sem þeir geta fyllt út og skilað í skilakassa. Í lok hátíðarinnar verða 3 heppnir þátttakendur dregnir út og hljóta þeir bækur í verðlaun. 
• Ljóð úr bókatitlum
  Á barna- og unglingadeild geta gestir spreytt sig á að búa til ljóð úr bókatitlum. 
• Bækur og bíómyndir
  Við stillum fram bókum og bíómyndum gerðum eftir þeim. Allt efnið er að sjálfsögðu til útláns.